Үлкен Алматы көліне кетіп, қайтып оралмаған аустралиялық туристің денесі табылды. Бұл туралы Төтенше жағдайлар министрлігіндегілер хабарлады.
«Құтқарушылар екі топқа бөлінді: біреуі Аюсай шатқалына, екіншісі Проходное шатқалына іздеуге шықты. Іздеу күні бойы қар, жаңбыр, тұман сияқты қолайсыз ауа-райы жағдайында жүргізілді. 15.48-де ТЖМ РЖҚЖ құтқару бөлімшесінің басшысы Арыстанбаев Бауыржан спутниктік байланыс бойынша құтқарушылар Алматы қаласы әкімдігінің құтқару қызметінің құтқарушыларымен бірлесіп, Аюсай шатқалындағы бірінші сарқыраманың жанынан жоғалған адамның денесін тапқандығы туралы ақпарат берді» делінген хабарламада.
Еске салсақ, 21 мамырда 1995 жылы дүниеге келген шетелдік турист Үлкен Алматы көліндегі қарай тауға кетіп, қайтып оралмаған. Бұл туралы полицейлерге турист жігітпен бір жатақханада тұрған Ресей азаматы хабарлаған. Жоғалған адамды оның әйел әріптесі соңғы рет көрген. Олар Алматыға 20 мамыр күні кешке туризм мақсатында келген. Таңертеңгі сағат 7-де туристер ұшып кетуі керек болған.
