Түркістанда 3 жасар қызы мен 4 жасар ұлын өлтірді деп айыпталған анаға қатысты сот процесі басталды.
Күдікті Қызылордалық келіншек, биыл ақпан айында Шымкент қаласындағы қонақ үйлердің бірінен қолға түскен болатын.
“Түнгі сағат он бірлер шамасында ойын сауық орталығына балаларын апарған әйел, бірер сағаттан соң сол маңдағы жалдамалы пәтерге келеді. Алдымен балаларын ұйықтатып, кейін қызын және ұлын кезекпен дәлізге шығарып, тұншықтырған. Сөйтіп, түнгі бірде балаларды өлтіріп, өзіне де қол салмақ болады. Алайда, ойынан айнып, таңертең Шымкентке шығып кетеді”, – делінген сот актісінде.
Айыпталушы қылмысты күйеуі көңіл бөлмегесін, жоспарлап жасағанын айтқан екен. Ал, оның адвокаты есі дұрыс адам балаларын өлтірмейді деп психиатриялық сараптама тағайындауды сұрады. Сонымен қатар, сотталушы сот ісін алқа билердің қатысуымен қаралуын қалады.
Айта кетейік, азаматша Қызылода облысы, Шиелі ауданында бастауыш сынып мұғалімі болып жұмыс істеген.
