74
Ұлттық қауіпсіздік комитетінің бұрынғы төрағасы Кәрім Мәсімовтің үйі аукционның бірінші сатылымында өтпей қалды.
“Аукцион басталған сәтте сату объектісі бойынша аукцион залында бірде-бір қатысушы тіркелмеген. Аукцион залында ешбір қатысушы бастапқы бағаны растамаған”, – деп жазылған мәлімдемеде.
Баспана, Нұра ауданында Ерейментау көшесі, 1 мекенжайында орналасқан. Жертөлесі бар тұрғын үй.
Естеріңізде болса, екі қабатты үйдің сатылатыны жайында жазған болатынбыз. Үйдің жалпы ауданы – 2877,7 шаршы метр. Құны 1 883 338 958 теңге деп бағаланған. Сонымен қатар әлеуетті сатып алушы 117 960 теңге көлемінде кепілдік жарнасын төлеуі қажет болған.
Айта кетейік, мүлікті сатуға қайтарылған активтерді басқару компаниясы шығарды.
