49
Маңғыстау облысы, Бейнеу ауылындағы мектептердің бірінде, 11 оқушы улану белгілерімен ауруханаға шұғыл жеткізілген.
Жасөспірімдерден жүрек айну, құсу, әлсіздік секілді шағымдар айтылған.
Оларға, дер кезінде көмек көрсетіліп, үйлеріне жіберілді. Қазіргі уақытта балалардың денсаулығына қатер төніп тұрған жоқ. Тиісті деңгейде амбулаторлық ем қабылдауда.
Ал, санитарлық-эпидемиологиялық инспекторлар мектеп асханасынан сынама алды. Алдағы уақытта оқушылардың неден уланғаны белгілі болмақ.
Естеріңізде болса, былтыр Мұнайлы ауданындағы мектептердің бірінде 460 бала уланған еді. Олар, ауруханаға түскен кезде тағамдық токсикалық белгілеріне шағымданған болатын.
