Маңғыстаулық оқушы Самир Валерий минутына 17 мың сөз оқып, “100 жаңа есім” қатарына енді.
Қазақстандық жасөспірім, Маңғыстау облысының тұрғыны Самир Валерий ерекше жетістігімен жұртты таңғалдырды. Ол минутына 17 мың сөз оқуға қабілетті екенін дәлелдеп, “100 жаңа есім” жобасына енді.
Бар болғаны екі жыл бұрын Самирдің оқу жылдамдығы минутына небәрі 90 сөзді құраған. Алайда жүйелі жаттығулар мен табандылығының арқасында ол оқу техникасын жетілдіріп, бүгінгі деңгейге жеткен. Қазіргі уақытта Самир жылдам оқумен қатар, оқыған мәтінді толық түсініп, есте сақтап қалу қабілетімен де ерекшеленеді.
Жас дарын иесінің бұл жетістігі білім беру саласындағы мамандар мен көпшілік қауымның ерекше назарын аударды. Самирдің айтуынша, ол алдағы уақытта бұл қабілетін ғылым мен білім жолында қолданғысы келеді.
