Сіздерді күллі мұсылман баласының ұлық мерекесі – Ораза айттың келуімен шын жүректен құттықтаймыз!
«Айт» сөзі – «мерекелеу», «хал сұрасу», «бір-бірін қуанту», «қуанышқа топталу» деген мағыналарды білдіреді. Ораза айт мейрамында жүрекке мейірім, қуаныш сезімі ұялайды.
Ораза айт – бір ай бойы ораза ұстап, ықыласпен жақсылық жасаған адамның құрметке, марапатқа ие болатын сәті. Алла Тағала: «Мен парыз еткен оразаны пенделерiм өтеп, ақысын алуға (айт намазын өтеуге) мешiтке бет алды. Олар Мен үшiн ораза ұстады, Менiң пәрменiммен ауыз ашты, ендi қуанышқа кенелсiн…» дейді. Раббымыз баршамыздың қуанышымызды арттырып, екі дүниеде де мерейімізді үстем еткей.
Мұсылман қауымы үшін қадірлі болған бұл мейрам, әрбір шаңыраққа шаттық пен береке-бірлік, мол несібесін ала келсін!
Баршаңызға мықты денсаулық, отбасыларыңызға амандық, жұмыстарыңызға береке тілейміз. Алла Тағала бәріміздің мерейімізді үстем етсін. Халқымыз өсіп-өркендей берсін!
