Ол, өз кінәсін мойындап, келісімшарт бойынша ақшаны түгел өтейтін болды. Бұл туралы ҚР Ғылым және жоғары білім министрң Саясат Нұрбек хабарлаған. Сөзіне сенсек, “Болашақ”халықаралық бағдарламалар орталығының бұрынғы басшылары мен қызметкерлерін жауапкершілікке тарту бойынша жедел іс-шараларды жеделдету үшін Бас прокурорға хат жолдаған.
“2-3 күн бұрын (“Болашақ” бағдарламасының түлегі) Валерия Гаврилиенко толық өз кінәсін мойындап, екі жақты келісімшартқа қол қойды. Сол келіссімшарттың арқасында ол бүкіл ақшаны қайтарамын деп өзіне міндет алды. Енді (“Халықаралық бағдарламалар орталығы” АҚ-дағы) жауапты тұлғаларды тиісті заңнама аясында Бас прокуратура арқылы (жауапқа тарту) мәселесін бастап кеттік”, – деді Саясат Нұрбек Сенаттың жалпы отырысынан соң”, – деді министр.
Естеріңізде болса, осыдан бірер күн бұрын 24 KZ телеарнасының кешкі жаңалықтар бөлімінің шығарушы-редакторы Наталья Воробьева мен Президент жанындағы Орталық коммуникациялар қызметінің жүргізуші-модераторы, 24KZ телеарнасының бұрынғы тележүргізушісі Мақпал Дәрібаева әріптестеріне алданып қалғанын айтқан болатынбыз. Яғни, 2016 жылы “Болашақ” бағдарламасына 24KZ телеарнасының бұрынғы тележүргізушісі Валерия Гавриленкоға оқуға түскен. Ол, әріптестерін гарант қылып, өзі шетелге қоныс аударған еді.
