16
Абай облысында жүргізуші үш баланы қағып өлтірді.
Абай облысына қарасты Үржар ауданының Бестерек ауылында ауыр жол-көлік оқиғасы орын алды. Toyota маркалы автокөліктің 55 жастағы жүргізушісі рөлге ие бола алмай, үйдің қақпасының алдында ойнап жүрген балаларды қағып кеткен.
Оқиға салдарынан екі бала оқиға орнында көз жұмды, тағы бірі жедел жәрдеммен ауруханаға бара жатқан жолда қайтыс болды. Тағы үш бала ауыр жарақат алып, ауруханаға жеткізілген.
Полиция мәліметінше, жүргізуші оқиға орнында ұсталды. Сараптама оның алкогольді ішімдік ішпегенін көрсетті. Қазіргі уақытта оқиға орнында полиция және жедел-тергеу тобы жұмыс істеп жатыр.
