402
Шымкентте Асанбай Асқаров атындағы дендрологиялық саябақта өрттің алдын алу шаралары тұрақты жүргізіліп келеді. Қалалық әкімдіктің мәліметінше, күні бүгінге дейін өрт қауіпі бар 8 гектар жерде тазалау жұмыстары жүргізілген. Тәулік бойы кезекшілік ұйымдастырылып, жасыл желек аймағы бақылауға алынған. Сақтық шарасы мақсатында 2 су тасымалдау көлігі әзірленген. Ал аптап ыстықтан өрт шығу қаупінің басымдылығына байланысты қураған шөптерді тазалау жұмыстарына қосымша 150-ге жуық адам жұмылдырылыпты. Шөп орғыш 85 техника және 12 дана көлік көмегімен дендросаябақтың аумағында 5 арнайы топ өрт қауіпсіздігін қамтамасыз етіп отыр екен.
Жауаптылар күні бүгінге дейін дендросаябақта өрт салдарынан ағаштарға зақым келмегенін мәлімдеді.
