Шымкент түрмесінде жазасын өтеушілердің бірі жұмбақ жағдайда ажал құшты деп хабарлайды Almatytv. Туыстары 37 жастағы жігітті мекеме қызметкерлері “ұрып өлтірді” десе, мекеме басшылығы сотталушы созылмалы аурудан қаза тапты деп отыр.
Қаза тапқан азамат осыдан бір ай бұрын бопсалау бабымен үш жарым жылға сотталған. Сол уақыттан бері, асқазан ауруымен ауырған. Бес рет дәрігерлер көмегіне жүгінген. Соңғы рет 3 қыркүйекте ауруханаға түсіп, қайтыс болған.
«Қылмыстық іс тіркеліп, тергеу амалдары жүріп жатыр, құзырлы органдар да тексерісті бастады. Ол кісілер бізге сенбейді, “ұрды-соқты”деп түсініп жатқан шығар. Бірақ тексеру қорытындысы шығады», – деді Шымкент қаласы және Түркістан облысы бойынша Қылмыстық атқару жүйесі департаментіне қарасты № 54 мекеменің бастығы Серікбай Дүйсенов.
Айта кетейік, марқұмның артында үш баласы мен әйелі қалды.
