Кәмелетке толмағандардың істері жөніндегі мамандандырылған аудандық сотында жайсыз әкенің ерсіз әрекеті жабық сот отырысында қаралды. Ұлықбек Смановқа асырап алынған балаларға зорлық көрсетті деп айып тағылды. Оның бұрын соңды созылмалы және психикалық ауруы болған. Сондай-ақ, алты рет үйленіп ажырасқан.
“Бұл әрекеттерді жасаған кезде ол ессіз күйде болған. Бұл жағдай заң бойынша қылмыстық жауапкершілікті жоққа шығарады. Сот Смановты қылмыстық жауапкершіліктен босатып, оған мамандандырылған психиатриялық стационарда мәжбүрлі емдеу түріндегі медициналық сипаттағы мәжбүрлеу шарасынын тағайындады”, – делінген хабарламада.
Балаларды ұрып соғып, қорлық көрсеткенін біле тұра, араша болмаған жұбайы да қылмыстық жауапкершілікке тартылады дейді Жаннетта Жазықбаева. Алдағы уақытта міндетті түрде прокуратураға арызданбақ.
Фото:видеодан алынды
Естеріңізге сала кетейік, бұған дейін Шымкентте жергілікті емші 6 баланы асырап алып, оларға ит пен мысықтың етін беріп, үш жылдан бері азаптап келгенін айтқан болатынбыз.
