Шымкентте екі оқушы 6 жасар баланы құтқарып қалды. Оқиға Игілік тұрғын алабының аумағынан ағып өтетін Бадам өзені бойында болған.
Ердәулет пен Рамазанға шомылуға келген бір топ бала өзенге кішкентай бала батып кеткені туралы айтып, көмек сұраған. Екі жасөспірім алғашында олардың сөзіне сенбепті, дегенмен дереу оқиға орнына барған. Содан суда баланың денесі қалғып жүргенін көріп, оны жағаға алып шығады.
Рамазан Аманкелдиев бүлдіршіннің іші ісіп, өзі көгеріп келе жатқанын байқап, тез арада реанимациялық іс-әрекеттерге кіріскен. Оған қасындағы досы Ердаулет Шыңғысхан да көмекке келіп, нәтижесінде жас баланың аузынан су шығып, демала бастапты.
Осылайша дер кезінде көмекке келіп, дәрігерлік алдын медициналық көмек көрсеткен екі жасөспірім оқушылардың арқасында кішкентай бала аман қалды.
Бүгінгі күннің батырлары қаладағы №128 жалпы орта мектептің 8 сынып оқушысы Ердаулет Шыңғысхан және оның досы 9 сынып оқушысы Рамазан Аманкелдиев.
