Қорғаныс министрлігінің мәліметіне сәйкес, биыл күзде әскер қатарына шақырылған 20 мыңнан астам азамат отан алдындағы борышын өтеу қажет. Егер, бұл жігіттер міндетін өтемеген жағдайда, әкімшілік және қылмыстық жауапкершілікке тартылады.
“Әскери қызметке шақырылған азаматтар жергілікті әскери басқару органының шақыру комиссиясына келуге міндетті”, – деп басып айтты ҚР Қарулы Күштері Бас штабы Ұйымдастыру-жұмылдыру жұмысы департаменті бастығының орынбасары Фархат Айдарбаев.
Егер хабарлама алған азамат әскерге бармаса, мерзімді әскери қызметке шақырылудан бас тартқаны үшін заң аясында жауапкершілікке тартылады.
Десе де, әскердегі кейбір олқылықтарға, кісі өліміне, суицид мәселелеріне қарап, көпшіліктің жүрексініп отырғаны рас. Әр ата-ана бауыр еті баласының қауіпсіздігіне алаңдаулы.