Ыстамбұлда қамауға алынған қала мэрі Имамоглуды қолдау үшін жаппай наразылық әлі де жалғасуда. Онда Түркияның басты оппозициялық партиясының жетекшісі, Ердоғаннан Имамоғлудың сотын «TRT Haber» арнасынан тікелей эфирде көрсетуді сұрап отыр.
Бас прокуратура 19-23 наурыз аралығында ұсталған 208 адамның 172-сі қамауға алынғанын мәлімдеді. Оларға, қоғамдық тәртіпсіздік тудырды, зорлық-зомбылыққа қатысы бар, сондай-ақ бетперде астында беттерін жасырып жүрді деп айып тағылуда.
Айта кетейік, Экрем Имамоглу қамауға алынғанына қарамастан, РХП оны президенттікке кандидат ретінде ұсынды. Праймериз нәтижесінде ол 15 миллионға жуық дауыс жинап, алдағы сайлауда Ердоғанның басты қарсыласы болып отыр.
Ал, Түркияда 19 наурыздан бері жалғасып жатқан наразылықтар кезінде 1 133 адам ұсталды. Олардың арасында 10 фотограф пен журналист бар екені нақтыланған.
