Селдің салдарынан, 14 шілде күні төрт адам хабар-ошарсыз кеткен. Жергілікті қала әкімдігінің мәліметіне сәйкес, олар Толойкон ауданындағы демалыс орнында болған. ТЖМ жоғалған адамдар бір отбасының мүшелері деп отыр. Олар, 1980 жылы туған әйел мен оның 2005, 2014 және 2018 жылғы үш қызы.
Қазіргі таңда, сел ағызып әкеткен 6 жасар қыздың денесі Өзбекстанның Әндіжан қаласындағы Шахрихонсой суару каналынан табылды.
Айта кетейік, Ош қаласында толассыз жауған жаңбырдан соң, Ак-Буура өзені тасып көше, көліктерді су басты. Тіпті, үйлерге лай су кіріп, адамдар шатырдың төбесіне шығуға мәжбүр болған.
Ресми мәлімет бойынша, 500 ге жуық адам қауіпсіз жерге көшірілген.
Тұрғындар жариялаған видеоларда қаладағы орталық базарда азық-түліктер мен тауарлар, бірнеше көлік суға ағып кеткенін көруге болады.
Айта кетейік, апатты жағдай Ош облысында сел Асан-Чек және Манас Кара-Су аудандарындағы ауылдарда орын алған.
