Қытай астанасы Бейжіңде, толассыз жауын-шашын мен күшті дауылдың салдарынан төтенше жағдай орын алды.
Қауіпсіздік мақсатында 76 мыңнан астам адам қауіпсіз аймақтарға көшірілді.
Қалада табиғат апатқа байланысты ең жоғары қызыл деңгейдегі ескерту жарияланды.
Синоптиктердің хабарлауынша, алдағы алты сағат ішінде жауын-шашын мөлшері 200 миллиметрге дейін жетуі мүмкін.
Ауа райының қолайсыздығы елге үлкен шығын келтіріп отыр. Бұған дейін осындай табиғи апаттан 44 адам қаза тауып, 300 мыңнан астам тұрғын түрлі деңгейде зардап шеккен еді. Сонымен қатар, 24 мыңға жуық үй толықтай қираған.
Билік пен құтқару қызметтері зардап шеккен аймақтарға көмек көрсетуді жалғастыруда. Тұрғындарға қауіпсіздік шараларын сақтап, билік өкілдерінің нұсқауларын орындау ұсынылуда.
