Бас прокурордың орынбасары Ғалымжан Қойгелдиев, Ақжарқын Тұрлыбайға қатысты пікір білдірді. Оның айтуынша, Тұрлыбайды Қазақстанға экстрадициялау мүмкіндігі бар. Сондықтан, тиісті жұмыстар жүргізілуде.
“Біз бұл істі тоқтатқан жоқпыз. Жұмыс белсенді жүргізілуде. Жақын арада шешілетіндігіне сенімдімін. Бізге оның елде жазасын өтегісі келетіні туралы мәлімдемесі келді. Ол өзінің адвокатымен үнемі байланыста. Ол оңай жұмыс емес”, — деді ол.
Айта кетейік, Ақжарқын Тұрлыбай, 2014 жылы Гуанчжоу әуежайында ұсталды. Ол есірткі контрабандасы үшін айыпталып, өмір бойына бас бостандығынан айырылған болатын. Сотта Ақжарқын шетелдік досы алдап кеткенін айтып, кінәсін мойындаған жоқ. Ал, 2016 жылы сот шешімі жойылып, іс қайта қарауға жіберілді. Араға үш жыл салып, 2019 жылдың 27 желтоқсанында Гуанчжоу соты үкім шығарды – жаза өзгеріссіз қалды.
