255
Алматыда автобус пен жеңіл көліктің соқтығысу салдарынан, жол-көлік апаты орын алып, 24 адам медициналық көмекке жүгінді. Оның алтауы ауруханаға жатқызылды. Қалғаны амбулаториялық ем алуға үйлеріне жіберілді деп хабарлады жергілікті ДСБ.
“№18 бағыттағы автобустың қатысуымен болған жол-көлік оқиғасы салдарынан, зардап шеккен алты ересек адам ауруханаға жатқызылды. Науқастардың аяқ-қолдарының сынуы орын алған. Олардың жағдайы орташа. Барлығы тиісті ем-домды толық алатын болады”, – делінген хабарламада.
Естеріңізге сала кетейік, 26 маусымда Kia жүргізушісі Мақатаев көшесін кесіп өтіп, ғимаратқа соқтығысқаннан кейін 18-ші маршруттағы автобуспен соқтығысқан болатын. Қылмыстық іс қозғалды. Тиісті сараптамалар тағайындалды.
