Әл-Фараби атындағы Қазақ ұлттық университетінің түлегі диплом табыстау шарасына өзгелерден ерекше боп келді. Ол сахнаға баласын қолына көтеріп шығып, диплом алады. Ең қызығы, жас ана бітіруші түлектер киетін арнайы киім — мантияны баласына да кигізген. Тіпті бас киіміне дейін ұмытпаған.
Диплом алу сәтінің видеосын жас келіншек ТікТок парақшасына жүктеді.
Тұрмысқа шығып, бала туып, сабағын да оқып үлгерген түлекке көп тәнті болып, өмірде сәттілік тіледі.
«Мықты, төрт жылың босқа кетпепті», «Менде екі бала бар, үшіншісіне жүктімін. Жақында мен де диплом аламын», «Өте әдемі көрініс», «Керемет, өмірде сәттілік. Қыздар жарайсыздар», «Екі саланы да бірге алып жүрген екен. Жарайсың», «Өмірдегі басты әрі баға жетпес университет — ол қолыңдағы бала» деп жазды желі қолданушылары.
