Шымкенттің Әл-Фараби ауданында қала күні мерекесіне орай төрт аула толығымен абаттандырылды.
«Әл-Фараби ауданы бұрын Дзержинский деп аталған. Ол Шымкенттің орталық және ең көп қоныстанған ауданы болып саналады, өйткені онда қаланың білім беру, әкімшілік, тарихи, мәдени және ойын-сауық орталықтары орналасқан. Аудан аумағында 372 көше, 776 көпқабатты үй, 21 886 жеке сектор үйі бар», — деп хабарлайды Шымкент қаласы әкімінің баспасөз қызметі.
Жөндеу жұмыстары Ахмет Байтұрсынов көшесіндегі №88-90, №92, №4 және Рашидов көшесіндегі №25б, 25В көпқабатты тұрғын үйлердің аулаларында жүргізілді.
«Халық қатысатын бюджет» жобасы бойынша тұрғындардың өтініштері негізінде Әл-Фараби ауданында 50 көпқабатты тұрғын үй ауласын абаттандыру және балалар ойын алаңдарын салу жоспарлануда. Сонымен қатар, тоғыз жаңа ашық спорт алаңын орнату және тағы тоғызын жөндеу жоспарлануда. 28 аулада абаттандыру жұмыстары жүргізіліп жатыр», — деп толықтырды әкімдіктегілер.
