Фан-клубтардың шеруі Шымкенттегі Тәуелсіздік саябағында өтті. Оған «Шымкент жастар лигасы-2022» чемпионатының жанкүйерлері қатысты. Бұл чемпионат қала әкімдігінің қолдауымен екінші рет өткізіліп отыр.
Жеңімпаз жанкүйерлерді Шымкент қаласы әкімінің бірінші орынбасары Шыңғыс Мұқан құттықтап, бағалы сыйлықтар табыс етті. Ол команданың негізгі қолдауы жеңіске жету үшін барын салатын белсенді жанкүйерлер екенін атап өтті.
Шымкент жастар лигасының біріншілігінде 151 мектептің ішінен фан-клубтар құрылып, оған 2 265 оқушы қатысты. Оның ішінде турнир бойы көзге түскен 16 команда финалға жолдама алса, бесеуі жүлделі орындарға ие болды.
Ө.Жолдасбеков атындағы № 9 IT-мектеп-лицейі мен № 99 мектеп-гимназиясы үшінші, З.Космодемьянская атындағы № 23 мектеп-лицейі екінші орынды иеленді. Бірінші орынды Ыбырай Алтынсарин атындағы № 65 мектеп-гимназиясының фан-клубы иеленді. «Фан-клубтар шеруінің» жеңімпазы болып №84 Циалковский атындағы орта мектептің командасы атанды.
Жеңімпаздардың әрқайсысына велосипед берілді.
Бұған дейін хабарланғандай, биылғы жылы Шымкентте қала күні ерекше форматта өтеді — апта түрлі іс-шараларды ұсынады. Мерекелеу бағдарламасында барлығы 20 — ға жуық негізгі бағдарлама бар-фестивальдерден бастап спорттық жарыстарға дейін.
Мереке аясында би жарысы, көше спорт түрлерінен жарыстар және балалар мен жасөспірімдердің қатысуымен аула турнирлері өтті. Сондай-ақ, Шымкентке Shymkent NOMAD Film қысқаметражды фильмдер фестиваліне екінші рет еліміздің басқа өңірлері мен Өзбекстаннан режиссерлер жиналды.
