Шымкент қаласының әкімі Мұрат Әйтенов жаңа депоның құрылысымен танысты.
Қаланың №3 өрт сөндіру бөлімінің құтқарушылары 70 жылдан астам бұрын салынған ғимаратта орналасқан. 2020 жылдың сәуір айында мамандар қорытынды шығарып, Шымкент қаласының Төтенше жағдайлар департаменті өрт сөндіру бекетінің бұл ғимаратын бұзу туралы хабарлаған.
Бұл ғимарат 1938 жылы салынған. Онда әскерилендірілген өрт сөндіру бекеті орналасты, 80-ші жылдары бұл қаланың өртке қарсы қызметінің орталық пункті болды. Бүгінгі таңда №3 өрт сөндіру бөлімінде 62 құтқарушы жұмыс істейді.
Шымкент қаласы әкімдігінің қолдауымен маңызды мәселелердің бірі – қалалық өрт сөндіру қызметінің материалдық-техникалық базасын жақсарту мәселесі шешімін тапты. Құрылысы биыл басталған нысан 2023 жылдың соңында пайдалануға беріледі деп жоспарланған. Жаңа ғимарат барлық заманауи талаптарға сай болады.
