50 жылдық межеден өткен Шымкент тұрғындарына жұмыс іздеуге көмектеседі.
Еліміздің үшінші мегаполисінде, басқа өңірлердегідей, зейнеткерлік жасқа жақындаған белсенді азаматтарды жұмысқа орналастыру бойынша «күміс жас» арнайы жобасы іске асырылуда.
Естеріңізге сала кетейік, қазір бұл шара жұмыссыз қалған 58 жастан асқан қарттарды уақытша жұмысқа орналастыруға көмектеседі.
«Күміс жас» жобасына қатысушылардың жалақысының жартысын мемлекет, жартысын жұмыс беруші төлейді. Салықтарды, міндетті әлеуметтік аударымдарды, пайдаланылмаған еңбек демалысы үшін өтемақыны және банктік қызметтерді ескере отырып, мемлекеттен берілетін субсидияның ең жоғары шегі – 30 АЕК немесе 91 890 теңге. «Күміс жас» жобасы бойынша жалақыны субсидиялау 12 айдан аспайды. Бағдарлама аясында зейнеткерлікке шыққанға дейін екі жыл қалған азаматтар уақытша жұмысқа орналасады»,-деп нақтылады Шымкент жұмыспен қамту орталығының баспасөз қызметі.
Жобаға қатысушы ретінде тіркелу үшін халықты жұмыспен қамту орталықтарына жүгіну немесе электрондық еңбек биржасы арқылы тіркелу қажет Еnbek.kz: жеке кабинет ашып, жұмыс іздеп жүрген адамның өтінімін толтырып, оған ЭЦҚ-мен қол қою. Өтінімді автоматты түрде тексергеннен кейін жеке кабинетке хабарлама келеді.
Естеріңізге сала кетейік, келесі жылдан бастап «Күміс жас» жобасы 50 жастан асқан қазақстандықтарға таратылады. Бұл туралы бұған дейін еңбек және халықты әлеуметтік қорғау министрі Тамара Дүйсенова әйелдердің зейнеткерлік жасын төмендетуді жақтайтын белсенділермен кездесуде айтқан болатын. ҚР Еңбек министрлігінің баспасөз қызметі хабарлағандай, 2023 жылдан бастап жобаға қатысу кезеңі еңбек өтіліне есептеледі, ал 30 АЕК мөлшеріндегі төлем сомасы зейнетақыны есептеу кезінде табыс ретінде қаралатын болады.
Анықтама үшін: Күміс жас – Бұл жұмыс беруші зейнеткерлікке дейінгі жастағы адамдарды (зейнеткерлікке шыққанға дейін екі жыл бұрын) олардың жалақысын субсидиялай отырып жұмысқа орналастыру үшін құрған жұмыс орны.
Жұмыстың ұзақтығы 12 айдан аспайды, аяқталғаннан кейін қатысушыға зейнеткерлікке шыққанға дейін тұрақты жұмыс орны беріледі.
Жалақы төлеуді жұмыс беруші еңбек шартында белгіленген мөлшерге сүйене отырып, нақты жұмыс істеген уақыты үшін ай сайын жүзеге асырады.
Мемлекет белгіленген жалақы мөлшерінің 50% -. субсидиялайды, бірақ 30 айлық есептік көрсеткіштен (АЕК) аспайды.
Жолдама алу үшін тұрғылықты жері бойынша халықты жұмыспен қамту орталығына жүгіну қажет.
