344
Шымкентте демалыс күндері екі жазатайым оқиға орын алды. Бірі сенбі күні, Қызылжар тұрғын алабындағы Сығанақ көшесі бойындағы жеке тұрғын үй ауласында болған. Ересектердің қарауынсыз қалған 2 жасар бала ойнап жүріп, үй ауласындағы қаңқалы бассейнге құлап кеткен.
Бүлдіршін жедел жәрдем қызметімен балалар ауруханасына жеткізілген. Жағдайы ауыр. Дәрігерлер оған аспирациялық синдром, мидың ісінуі диагнозын қойған. Бала комада жатыр. Бұл туралы Шымкент қалалық Төтенше жағдайлар департаментіндегілер хабарлады.
Ал жексенбі күні 2019 жылы дүниеге келген ойын баласы үй ауласындағы септикке құлап кетіп, ауруханаға жатқызылды. Дәрігерлердің айтуынша, оның жағдайы орташа.
