Қала күні мерекесіне орай екі күнге жалғасатын «Balmuzdaq Fest» фестивалі бүгін таңертең басталды.
Туризм және сыртқы байланыстар басқармасының ұйымдастыруымен өтіп жатқан іс-шараға қаладағы 35 кәсіпкер өтінімін білдірген. Оның ішінде балмұздақ, салқын сусындар мен тағамдар бар. Қала үшін айтулы күнге орай гастрономиялық туризмді дамытып жүрген кәсіпкерлер балмұздақтардың сан түрін әзірлеп, мегаполис тұрғындары мен қонақтарына ұсынуда.
Одан өзге, келушілер арасында конкурстық ойындар ұйымдастырылып, жеңімпаздар үшін сыйлықтар әзірленген. Онда ресторандарға арналған жеңілдіктер мен тегін тамақтану мүмкіндігі қарастырылған.
Шымкент қаласын еліміздің гастрономиялық орталығына айналдыру мақсатында жүзеге асқан фестивальде тіскебасарлар ғана ұсынылып қоймай, келушілер үшін концерттік және балалар үшін аниматорлық, ойын-сауықтық бағдарламалар ұсынылуда.
Одан өзге, қыш-құмыра, аква грим жасаудан шеберлік сабақтары өтіп, «Шымкент шайы» таратылып жатыр. Ал аспаздар кәуап пісіріп, балмұздақ дайындауда өз құпияларымен бөлісуде.
Таңнан басталған іс-шара кешкі 20:00-ге дейін жалғасады. Кәсіпкерлер өз өнімдерін мерекелік күнде сату арқылы табыс көзін арттыруы күтілуде. Ұйымдастырушылар аталмыш іс-шараны жыл сайын дәстүрлі түрде өткізуді жоспарлап отыр.
Шымкент қаласының туризм және сыртқы байланыстар басқармасының басшысы Ерлан Қыдыровтың айтуынша, ұйымдастырушылар қала тұрғындары мен қонақтарын қуантуға шешім қабылдады.
«Шымкентте бұл уақытта балмұздақ өте ыстық. Көптеген адамдар бізге барады, бұл қуантады. Туристер өте көп. Шымкент қаласының әкімі Мұрат Әйтенов кәсіпкерлерді қонақтар мен тұрғындар үшін оңтайлы бағаны ұстап тұруға шақырды. Барлығын күтеміз!»,- деді ол.
