«Мектепке жол» акциясы Шымкент қаласының орталық «Ақмешіт» мешітінде өтті. Аз қамтылған отбасылардан шыққан балаларға мектепке жиналуға Қазақстан мұсылмандары діни басқармасының Шымкент қаласындағы Өкілдігі мен қала әкімдігі көмектесті.
Шымкент қаласының имамы Бақдәулет Әбдірахманов мұндай іс – шара Қазақстан мұсылмандары діни басқармасының жеті бағытының бірі болып табылатынын атап өтті.
Көмекке мұқтаж отбасылардан шыққан балаларға керек-жарақтары бар мектеп сөмкелері табысталды.
Жаңа оқу жылы қарсаңында барлық бауырлар мектепке қажет нәрсенің бәрін алды. Балалардың анасы Әйгерім Асанова бірнеше жыл Шымкент қаласының орталық мешітінде тазалаушы болып жұмыс істейді және отбасы бюджетіне осындай күтпеген көмекке өте қуанышты.
«Бас имам Айбек ағай «Мектепке жол»акциясын ұйымдастырды. Ол менен қанша балаңыз бар деп сұрады? Мен 5 балам бар дедім, содан кейін ол шақырды — балалармен бірге келіңіз. Аллаға шүкір, біз бүгін сыйлықтар алдық. Рахмет. Әрине, біз қажет нәрсенің бәрін ала алмадық, бірақ бұл қазірдің өзінде жақсы көмек. Біз сөмкелер алдық. Қазір бәрі қымбат. Ал менің бесеуім мектепке барады. Алла разы болсын!»- ұйымдастырушыларға Абай ауданының тұрғыны Әйгерім Асанова алғысын білдіреді.
«Мектепке жол» мың шымкенттік баланы қуантады. Акцияның басты мақсаты-жаңа оқу жылы қарсаңында мұқтаж отбасыларға көмек көрсету. Бұл ретте мектепке баратын барлық балаларға бірдей көмек көрсетіледі, деп атап өтті акцияны ұйымдастырушылар.
Мектеп сабақтарына қажетті оқу құралдарын бүгінде 1000 баланың 500-і алды. Қалғандары аптаның соңына дейін қаланың басқа аудандарындағы мешіттерге таратылады. Бұл көмек ҚМДБ-ның Шымкенттегі өкілдігінде тіркелген аз қамтылған және көп балалы отбасыларға көрсетіледі.
Акцияның 10 жылында 2 миллионнан астам бала материалдық көмек алды.
ҚР Білім министрлігінің Балалардың құқықтарын қорғау комитеті «Мектепке жол» акциясының басталғаны туралы тамыз айының басында хабарлады. Қайырымдылық шарасының ұраны – «Мектепке жол: Шекарасыз жақсылық». Ол 2022 жылдың 31 тамызына дейін жалғасады.
Акцияға барлық ниет білдірушілер қатыса алады: еріктілер, бизнесмендер, меценаттар, үкіметтік емес ұйымдар және басқалар. Қатысушылар мұқтаж отбасылар мен балаларға қолдау көрсете алады немесе көмек сұрай алады.
«Мектепке жол» акциясына қатысу үшін Шымкент қаласының білім басқармалары мен ұйымдарына хабарласу қажет:
• 8 (7252) 39 49 26;
• 8 (777) 556 20 79;
• 8 (707) 904 04 95.
