Ұстазының ұзату тойында қимастықпен ән шырқаған оқушы қыздар көпті тәнті етті. Тойдағы сәттің видеосы ТікТок-та пайда болды. Онда киіз үй ішіне жайылған дастархан басында қонақтар отырады. Аппақ түсті көйлек киген оқушылар ортаға шығып, «Ұстазым қайда барасың?» деп ән салады.
«Көп көңілін табасыз, жақын тартып аласыз,
Жаны сұлу жанашыр, сіздің қимай жүрміз ғой…
Апайым қайда барасыз?»,-дейді оқушылар.
Қыздардың ән салғанын көрген желідегілер олардың бұл әрекетіне ризашылықтарын білдіріп, ақ босаға аттағалы тұрған ұстаз бен оқушыларға бақыт тіледі.
«Апайларың бақытты болсын. Сендердің өркендерің биікке өрлей берсін», «Керемет, айтарға сөз жоқ. Мұндай шәкірттерді тәрбиелеген ұстаз тіптен тамаша», «Ұстазды ұлағаттау дұрыс, жарайсыңдар. Апайларың бақытты болсын!», «Тамаша, ұстазға құрмет деп осыны айт. Бақытты ұстаз екен. Алдағы уақытта бақытты болсын, шәкірттеріне мың алғыс», «Керемет, апайларын қимай тұрғаны көрініп тұр» деп жазды желі қолданушылары.
