383
Сот материалы бойынша, 49 жастағы ер адам өткен жылдың желтоқсан айында әйелін пышақтап, кейін өзін өлтірмек болған. Алайда, ойы іске аспай, екеуі де тірі қалды. Кеуде жарақатымен ауруханаға жеткізілген күдікті бірнеше күннен кейін емдеу мекемесінен қашып кеткен. Сол күні ұсталды. Ол сот отырысында кінәсін ішінара мойындаған. Қылмысқа күйзелістен барғанын, ал ауруханадан әйелімен кездесіп, сөйлесу үшін қашып кеткенін айтқан.
Қашқынның үстінен ҚР Қылмыстық Кодексінің «Адам өлтіруге оқталу» және «Қамақтан қашу» баптары бойынша екі қылмыстық іс қозғалған. Прокурорлар айыпталушыны 13 жылға бас бостандығынан айыруды сұрағанымен, сот оны 11 жылға соттады. Үкім әлі заңды күшіне енген жоқ.
