Ол көлікті мас күйінде жүргізген
Оқиға Ақтөбенің орталығындағы екі даңғылдың қиылысында болған. Жол талғамайтын «Toyota» көлігі «KIA» көлігін соққан. Соның салдарынан қатар тұрған алты машина бүлінді. Апат орнынан төрт адам ауруханаға жеткізілді. Олар алғашқы медициналық көмектен соң үйлеріне жіберілген.
Облыстық полиция департаментінің дерегінше, «Toyota» көлігінің 49 жастағы жүргізушісі екі жыл бұрын көлікті мас күйінде басқарғаны үшін 7 жылға көлік жүргізу құқығынан айырылған. Ол түнде де рөлге мас күйінде отырған, -деді полиция өкілі. Бірақ алкогольді ішімдікті ішкен-ішпегенін анықтайтын тест жасаудан бас тартыпты.
Қазір полиция бұл оқиғаны тергеп жатыр.
Жүргізушінің кінәсі дәлелденсе, 6 жылға дейін бас бостандығынан және өмір бойы көлік жүргізу құқығынан айырылуы мүмкін.
