452
Бірақ, Қожасай мен Әлібекмола кен орындарындағы мұнайшылар бұған риза емес. Себебі, олардың басты талабы орындалмаған. Оператор Талғат Нәжмедденовтың айтуынша, басшылық жұмысшылардың «Қазмұнайгазға» қарасты басқа компаниялар сияқты еңбекақы төлеудің бірыңғай жүйесіне енгізу туралы талабын «келесі жылы орындаймыз» деп, уәде беріп кеткен. Алайда, мұнайшы «құр сөзге сенбейміз, мұны растайтын құжат талап етеміз»,- дейді.
«Қазақойл Ақтөбе» компаниясының Қожасай мен Әлібекмола кен орындарында еңбек ететін мұнайшылары наурыздың ортасында наразылыққа шыққан болатын. Олар ел президентіне видео үндеу жолдап, жұмыс орнында еңбекақы төлеудің бірыңғай жүйесін енгізуді талап етті.
