331
Ақтөбе облысында кісі өлімімен аяқталған жол-көлік оқиғасы орын алды. Жол апаты 17 қазан күні Байғанин ауданы Жарлы ауылынан екі шақырым жердегі Ақтөбе — Астрахань автожолында болған. Nissan X-Trail автокөлігі жолдың жиегінде аударылып қалған.
ІІМ-нің Telegram-каналының жазуынша, көлік тізгінінде 28 жастағы қыз болған. Жол-көлік оқиғасы салдарынан жүргізуші мен 69 жастағы жолаушы әйел Байғанин ауданының орталық ауруханасына жатқызылды. Зейнеткер алған жарақатынан қайтыс болды.
Қазіргі таңда Қылмыстық кодекстің 345-бабы 3-бөлігі бойынша сотқа дейінгі тергеп-тексеру басталды.
