348
Ақтөбе қаласында «Geely Coolray» автокөлігін тізгіндеген жүргізуші кәмелетке толмаған жаяу жүргіншіні қағып, оқиға орнынан қашып кеткен. Оқиға Иманов көшесінде кеше, 5 қазанда сағат 17.00-дер шамасында болған.
Жол апаты салдарынан кәмелет жасына толмаған бала облыстық ауруханаға жатқызылды. Медициналық көмек көрсетілгеннен кейін үйіне жіберілген.
«Іздестіру іс –шараларын өткізу барысында «Ақтөбе –Орынбор» автожолында 36 жастағы жүргізушінің басқаруындағы «Geely Coolray» автокөлігі тоқтатылды. Ер адам көшенің қиылысында келе жатып, бір секундқа көңілі басқа жаққа ауланып, жаяу жүргіншіні байқамай қалғанын айтқан. Абдырап қалғандықтан оқиға орнынан кетіп қалған» деп атап өтті облыстық Полиция департаменті.
