386
Ақтау қалалық ювеналды полициясының кәмелетке толмағандар ісі жөніндегі учаскелік инспекторын пышақтап өлтірді деген күдікпен 27 жастағы жігіт ұсталды.
Оқиға 2 тамыз күні сағат 03:50 шамасында орын алған. Мойын тұсынан пышақ жарақатын алған полицей облыстық ауруханаға жеткізілген. Алайда аурухана төсегінде есін жимастан көз жұмды.
Маңғыстау облыстық Полиция департаментіндегілер оқиға болған кезде учаскелік инспектор еңбек демалысында болғанын айтты.
«Пышақталған учаскелік полицей өліміне күдікті ретінде 27 жастағы азамат ұсталды. Тергеу амалдары жүріп жатыр. Сот-медициналық сараптама тағайындалды», — деді Полиция департаментіндегілер.
Айта кетейік, 26 жастағы марқұм полицейдің артында әйелі және үш баласы қалды.
