Алматы қаласының 40 жастағы тұрғыны қылмыскерлердің құрбаны болды. Оны Алматы қаласы Алмалы ауданында орналасқан тұрғын үй аумағынан ұрлап кеткен. Бұл туралы Полиция департаменті хабарлады.
Тәртіп сақшыларына ер кісінің әйелі арызбен жүгінген. Дереу арнайы жедел-тергеу тобы құрылған.
«Ер адамды босату бойынша арнайы іс-шара қаланың Түрксіб ауданындағы қоймалар аумағында жүргізілді. Төрт адам ұсталды, олар бұрын бопсалау және бұзақылық үшін сотталған. Ұрланған азамат аман-есен босатылды. Оны қатты соққыға жыққан және оған медициналық көмек қажет болды. Жәбірленушінің айтуынша, бейтаныс адамдар оны босату үшін 200 мың доллар талап еткен, әйтпесе героины бар иньекция енгіземіз деп қорқытқан», — дейді Алматы қалалық полиция Департаменті бастығының орынбасары Дидар Аханов.
Аталған жайт ҚР ҚК-нің 125-бабы 2-бөлігімен тіркелген, Қазіргі таңда сотқа дейінгі тергеу барысында белгілі болады. Күдіктілер қамауға алынды.
