402
Алматыда жолды кесіп өтпек болған жаяу жүргінші мерт болды. Оқиға 1 қараша сағат 13.00 шамасында орын алған. Қалалық Полиция департаментінің мәліметінше, Hyundai Sonatа автокөлігін тізгіндеген әйел азаматы Абай даңғылы бойымен шығыс бағытта келе жатып, солтүстікке қарай жолдың жүріс бөлігін кесіп өткен жаяу жүргіншіні қағып кетті. Жол апаты салдарынан 1959 жылы дүниеге келген зейнеткер оқиға орнында көз жұмды.
«Аталған дерек бойынша Қылмыстық кодекстің 345-бабы 3-бөлігімен сотқа дейінгі тергеу амалдар басталды. Тиісті сараптамалар тағайындалды», — деді қалалық Полиция департаменті анықтау басқармасының бастығы Олжас Шәріпов.
