461
Президент Қасым-Жомарт Тоқаевтың Қарағандыға сапары кезінде түсірілген видео көптеген қазақстандықтардың жүректерін елжіретті. Мемлекет басшысы жұртшылықпен кездесу өткізген соң залда отырған мүмкіндігі шектеулі тұрғынның қасына жақындап, амандасады. Желі қолданушылары бұл Тоқаевтың қарапайымдылығын көрсеткен видео екенін атап өтті.
Еске салсақ, бейнежазбадағы арбаға таңылған жігіт қарағандылық белсенді Нияз Сүндетәлиев. Ол тамыз айында отандық Fly Arystan әуе компаниясына деген ренішін жеткізген болатын. Алматы-Қарағанды рейсі кезінде әуе компаниясындағылар мүгедек жігітке арбасын ұшаққа салуға рұқсат бермей қойған. Көп ұзамай Fly Arystan жігіттен кешірім сұрады.
