367
Ойыл өзені арнасынан тасып, Қызылқоға ауданының орталығы Миялы селосын су басу қаупі төнген еді. Жиналған «қызыл» суды өткізу үшін «Миялы-Қарабау-Индер» автожолын бұзуға тура келді. Салдарынан аудан орталығы мен бірнеше ауылға байланыс үзілді.
Миялыдағы аудандық перзентханадан бөбегін алып шыққан жас ана — Жанкелдин ауылының тұрғыны. Жұбайы мен туыстары үрмелі резеңке қайықпен өткізіп алды. Жолдың келесі бетінен «Сен аман бол, немерем!» деп баянмен әндетіп, салтанатпен қарсы алды.
Айта кетейік, аудан тұрғындарының байланысы үзілмеу үшін асфальт жырылған аумақта таңертең 9.00-дан кешкі 18.00ге дейін қайықпен өткізу ұйымдастырылған.
