Полицейлер «Nissan Teana» автокөлігінің жүргізушісі мен жолаушылары бекіре тұқымдас балықтарын заңсыз тасымалдап жүргендер туралы түскен жедел ақпаратты тексерген. Нәтижесінде қала көшелерінің бірінің қиылысында аталған автокөліктен бекіре тұқымдас балықтарды тасымалдаған қала тұрғындарын ұстады. Олардан 81 келіден астам бағалы балық тәркіленді.
Қазір 26 және 30 жастағы үш азамат қамауға алынды.
Сондай-ақ Қараөзек ауылы тұсынан қала тұрғынының Toyota Camry көлігінен 20 келіге жуық, Балықшы елді поселкесінде Ваз-2110 автокөлігінен 15 келіге жуық бекіре тұқымдас балығын тәркіледі.
Үш оқиға бойынша да Қылмыстық кодекстің «жануарлардың сирек кездесетін және құрып кету қаупі төнген, сондай-ақ пайдалануға тыйым салынған түрлерімен, олардың бөліктерімен заңсыз айналысу» бабымен іс қозғалды.
