Балықшылар екі күн бойы су бетінде май тәріздес сұйықтықтың қалқып жүргенін байқаған. Өздері жүргізген сынамада су құрамында хлордың 2 есе көптігін анықтапты. Абырой болғанда ол кезде балық өзеннің тереңінде, қыстақта болған. Ал бірер күн бойы балықты көтерген. «Луговой жылқы зауыты» директорының орынбасары Жанболат АБЫЛАЕВ
«Енді дәл осы жағдай қайталанса, бағалы балықтан айырылып қаламыз ба»,- деп уайымдайды.
Қазір табиғатты қорғау прокуратурасы мен экология департаменті тексеріс жүргізіп жатыр. Әзірге май тәрізден сұйықтықтың не екені анықталған жоқ.
Осыдан тура 3 жыл бұрын 2018 жылдың аяғында аталған зауыттың Жайықтағы тоғанында 36 мың дана, яғни 101 тонна бағалы бекіресі қырылып қалған еді. Сондай-ақ, Жайық өзенінен 15 мың келі қара балықтың өлексесі шығарылды. Аталған жағдайдан соң қылмыстық іс қозғалып, судың улануына «Атырау су арнасы» мекемесі кінәлі деп танылды. Зауыт 1 млрд жарым теңге шығынын жақында ғана өндіріп алыпты.
