Осылай деп алаңдаған дәріхана қожайындары аймақтағы құзырлы мамандардан тиісті шара қолдануды талап етті. Айтуларынша, оларға фармацевтика нарығындағы демпинг жұмыс істетпей отыр. Яғни ірі компаниялар дәрі-дәрмекті көтерме бағамен бергеннің өзінде қымбатқа сатады. Ал өз дәріханаларына қасақана төмен бағамен қойып отырған көрінеді. Бір ғана мысал, «бепантен» деген мазьды ірі компаниялар көтерме саудада 1 710 теңгемен беріп, өздерінің жеке дәріханаларында 1 680 теңгемен сатады. Бұлай жалғасса, шағын дәріханалар толықтай жабылып, еліміздің нарығында тек 5-6 ғана компания қалады,- дейді ашулы кәсіпкерлер. Ал мұның соңы Қазақстан тәуелсіз дәріханалар қауымдастығының төрағасы Талғат Омаровтың айтуынша, «Мәселе — демпингта. Демпинг дегеніміз — күн көрсетпеу, өзінің конкуренттеріне. Ол деген қымбат затты арзанға сату. Бізді жауып тастау. Біз нарықтан кетуіміз керек. Біз нарықтан кеткеннен кейін ол ертең ойына келген бағаны қояды. +50-60 пайыз накрутка жасап отырған компания әрине ол аптекаларды аша бастайды. Артында кім тұр дейсіз олар офшорға шығарып жатырған адамдар бар ғой. Солар тұр.»
Аймақта 300-ден астам шағын дәріхана бар. Оның қожайындары мұндай әділетсіздіктің орнағанына екі жылдан асты,- дейді. Олар құзырлы мемлекеттік орган өкілдерінен ведомоствоаралық комиссия құрып, жағдайды анықтаулы талап етіп отыр
