«Астрахан-Атырау» жолаушылар пойызының қызметкерлері Аққыстау мен Атыраудың арасына келгенде толғағы басталған жолаушыға көмектесті. Кенжегүл Қайырболатова Ганюшкинодан Атырауға келе жатқан. Таңғы сағат 5-те Кенжегүлдің толғағы басталады. Пойыз бастығы нұсқаулыққа сәйкес машинистке хабарлады және жедел жәрдем бригадасын жақын маңдағы стансаға шақыртты. Таңғы сағат 05:30-да вагонда қыз бала дүниеге келді. Құрам бастығы Сәуле Ілиясованың айтуынша, жолаушылар тасымалында жұмыс істеген 15 жыл ішінде ол мұндай жағдайға алғаш рет тап болған. Атырау стансасына келгеннен кейін жаңа туған сәбиді анасымен бірге жедел жәрдем қызметкерлері күтіп алды.
Жас ана бәрінен бұрын нәрестемнің денсаулығына алаңдадым деп отыр. Жолсеріктерге алғыс жаулырған ол «өскенде қызымның өзіне айтып беремін»,- деді.
