Ел экономикасына 300 мың доллар инвестиция салуға дайын шетелдіктерге елімізде тұруға рұқсат беретін заң жобасы әзірлену үстінде, деп хабарлайды Elitar.kz.
Бұл туралы Премьер-министрдің орынбасары – Сауда және интеграция министрі Серік Жұманғарин «Ақжол» партиясы депутатының сауалына жауап ретінде мәлімдеді.
«Қазіргі таңда Қазақстан экономикасына 300 мың доллар және одан жоғары инвестиция салған шетелдік кәсіпкерлерге 10 жылға виза беруге бағытталған заң жобасын әзірлеу бойынша жұмыс жүргізілуде», – деді Жұманғарин.
Министрдің ақпаратына сәйкес, ең алдымен, жұмыс істеп тұрған кәсіпорындардың негізгі капиталына инвестициялар, қосылған құны жоғары өнімдердің өнеркәсіптік өндірісін құру, жаңа технологиялар мен қызметтер көрсету, яғни Қазақстан экономикасы үшін мультипликативті әсер беретін инвестициялар (салық түсімдері түріндегі бюджетке қосымша қаржылық түсімдер, жаңа жұмыс орындарын құру және тағы басқалары) еі алдымен ескерілетін болады.
