430
Топан су 11-сәуір күні сағат 16.40 Орынбор облысының Ташла ауданындағы бөгетті жырып кеткен.
Су қоймасындағы судың мөлшері 8 млн текше метрге жетеді. Бөгеттің су шайған тұсының ені 8 метрдей. Енді топан су Жайық өзеніне жетсе, Батыс Қазақстан облысындағы Чинарев елді мекенін шайып кетуі мүмкін. 82 отбасы тұратын бұл ауылда мектеп пен медпункт, шекара заставасы жұмыс істейді.
Топан судың жолын кесу үшін Чинарев ауылына 7 арнайы техника, 3 қайық пен 20 шақты төтеншелік және ҚР ҰҚК шекара заставасының қызметкерлері де жіберілген.
Сонымен қатар осы аудандағы компаниялардың экскаватор секілді ауыр техникасы да жұмылдырылыпты.
