412
Шымкентте «Халық қатысатын бюджет» жобасы өз нәтижесін беруде. Аталған жоба аясында өткен жылы тұрғындар ұсынысымен көпқабатты 41 үйдің ауласы абаттандырылып, ойын алаңшалары салынған. Ал биыл ІІ кезеңмен көпқабатты 73 және жеке сектор бойынша 6 мекенжай абаттандырылып, балалар ойын алаңшасы салынуда.
Қалалық әкімдіктің баспасөз қызметінің мәліметінше, жобаға енген «Базарқақпа» тұрғын алабы, Ю.Сареми көшесінде орналасқан көпқабатты 7 үйдің ауласындағы жұмыстар барысымен танысу мақсатында Шымкент әкімі Мұрат Әйтенов арнайы барып, тұрғындармен кездесті.
Абаттандыру жұмыстарымен қоса балалар ойын және тренажер алаңшасы салынатын аула жұмыстары қараша айының соңына дейін толық аяқталатын болады.
