364
Оралда ішімдіктің соңы қайғылы оқиғаға әкеп соққан. Полиция департаментінің дерегінше, екі ер кісі бірге ішімдік ішіп, соңында жанжалдасып қалған. Ерегіс соңы кісі өлімімен аяқталды. Аталған факті бойынша ҚР ҚК 99-бабы 1-бөлігі (кісі өлтіру)бойынша сотқа дейінгі тергеу амалдары жүргізілуде.
«Оқиға шамамен 23.25 сағатта орын алған. Гастелло көшесінде орналасқан үйлердің бірінде екі ер адам ішімдік ішіп отырған. Бірлескен отырыстың барысында олардың арасында жанжал туындап, 1985 жылғы ер азамат қолына үшкір зат алып, 1984 жылғы азаматтың денесіне зақым келтірген. Жедел жәрдем келгенге дейін жәбірленуші оқиға орнында көз жұмған» делінген ведомство мәліметінде.
