376
Қостанай облысында бюджет қаражатын ұрлау фактісі анықталды. Бұл туралы Қаржылық мониторинг агенттігі хабарлады.
Ведомствоның облыстық департамент қызметкерлері картоп тұқымын сатып алу үшін бөлінген бюджет қаражатын бірнеше рет жымқырған азаматқа қатысты қылмыстық істі аяқтады. Ұрланған ақша ауыл шаруашылығы саласы субъектілерінің сенімін теріс пайдалану және алдау жолымен ауыл шаруашылық тауарларының сапасы мен өнімділігін арттыру бағдарламасы аясында бөлінген екен.
«Осы азаматтың қылмыстық әрекеттерінің нәтижесінде мемлекетке келтірілген жалпы шығын көлемі шамамен 96 млн теңгені құраған. ҚР ҚПК 201 бабына сәйкес өзге ақпарат жариялауға жатпайды» делінген ақпаратта.
