Елімізде медициналық-әлеуметтік көмекке мұқтаж жандар үшін бірыңғай Call-орталық құрылады. Орталық тұрғындарға психологиялық қолдау көрсетеді. Бұл туралы ҚР Денсаулық сақтау министрлігінің штаттан тыс бас психиатр-наркологы Қуаныш Алтынбеков Орталық коммуникациялар қызметінде өткен брифингте айтты. Маманның пікірінше, бұл орталық барлық медицина ұйымдарын біріктіреді.
«Өкінішке орай «Оңалту бөлімшелері қай жерде жұмыс істейді, көмекті қалай алуға болады, бұл бөлімшелерге қалай баруға болады?» деген сұрақтың жауабын көп халық біле бермейді. Аталған Call-орталық еліміздің барлық психикалық денсаулық орталықтарын біріктіретін болады. Негізі елімізде өңірлік психикалық денсаулық орталықтары бар. Оларда есірткіге тәуелді пациенттерді медициналық-әлеуметтік оңалтудың үш кезеңдік бағдарламасымен емдейтін бөлімшелер жұмыс істейді. Қазіргі уақытта оларды кеңейту жұмыстары жүргізіліп жатыр»,- деді ол.
