Сауда және интеграция министрі Бақыт Сұлтановтың пікірінше, қант «жоқ-жоқ» дей берсек, халық соған сеніп, дүрбелең туындауы мүмкін. Министр қазіргі таңда қант бағасы көтерілгенін біліп отырғанын алға тартты. Бұл туралы ол Орталық коммуникациялар қызметінде өткен брифиг кезінде тілшілер сұрағына жауап беру кезінде айтты.
Бақыт Сұлтанов соңғы рет қанттың келісін 470 теңгеге сатып алыпты.
«Қант жоқ» деп айта беруге болмайды. «Халва, халва» дегеннен аузыңа тәтті дәм келмейді» деген сөз бар ғой. Тура сол секілді «жоқ-жоқ»деген сайын халық сеніп, дүрбелең туады. Өз басым жақында ғана ірі сауда орталығынан бір келі қантты 470 теңгеге сатып алдым. Енді ол кезде сондай баға болған. Қазіргі ақпарат бойынша баға 480 теңге болыпты. Оны мен көріп-біліп отырмын. Негізі мен өзім шай ішкенде қант қолспаймын, балмен ішем», — деді министр.
