Бүгін Шымкенттегі 223 мектепте алғашқы қоңырау соғылды. Жаңа оқу жылында 242 525 оқушы мен 19 мыңнан аса педагог оқу-тәрбие жұмысын бастады.
Қала әкімінің бірінші орынбасары Шыңғыс Мұқан Қ.Сыпатаев атындағы №7 ІТ мектеп-лицейінде өткен білім күні мерекесіне арналған салтанатты жиынға қатысты. Барша білім алушыларды мерекемен құттықтап, жылы лебізін білдірді. Жиында ұстаздар мен оқушылардың салтанатты шеруі болды. Мектеп табалдырығын алғаш аттаған бүлдіршіндер ән айтып, мерекелік көңіл-күй сыйлады.
Қала әкімдігі баспасөз қызметінің мәліметінше, Шымкентте жаңа оқу жылында 20 жаңа мектеп ашылды. Нәтижесінде 45 мектеп бір ауысымды, 173 мектеп екі ауысымда, 5 мектеп үш ауысымда білім береді. Білім ұяларының 97,8 пайызы бес күндік, үш ауысымда білім беретін 5 мектеп алты күндік оқу жүйесімен жұмыс істейді.
