734
Бұл жағдай Нұрсәт шағын ауданында болған. Полицияға арызданған азаматша өз шағымында, 4-шілде күні түнгі сағат 22:00 шамасында Шымкент қаласы, Қаратау ауданы, Нұрсат мөлтек ауданында бейтаныс ер адам келіп, пышаққа ұқсас затпен қорқытқанын жеткізді. Оқиға кезінде, жәбірленушінің көмек сұраған даусынан үй иесі сыртқа шығып келе жатқанда күдікті тез арада ізін суытып үлгерген.
Қазіргі таңда аталған жайт Қаратау АПБ-да тіркеуге алынып, күдіктінің жүрген жерін анықтау жұмыстары жүргізілуде. Сондай-ақ, тергеп-тексеру амалдары жалғасуда, деп хабарлайды Шымкент қаласы ПД-нің Баспасөз қызметі.
